Hevur tú áhuga og hegni at átaka tær leiðslustarv í føroyska fólkaskúlanum og virka fyri alsamt at
menna skúlans arbeiði, so hevur tú møguleika at søkja starvið sum varaskúlastjóri í Fuglafjarðar skúla.
Í Fuglafjarðar skúla eru 282 næmingar í 1.- 10. flokk. Á skúlanum starvast 30 lærarar, 3 námsfrøðingar, umframt 2 skrivarar, vaskifólk og húsavørðir. Fuglafjarðar kommuna og Eysturkommuna hava skipað samstarv um 8. – 9. flokk undir heitinum Framvit. Harumframt er 10. floks samstarv, nevnt eNám, við Sjóvar kommunu og Sunda kommunu.
Søkt verður eftir varaskúlastjóra, sum
- undir ábyrgd og í samstarvi við skúlastjóran skal taka lut í teirri fyrisitingarligu og námsfrøðiligu ábyrgdini og leiðsluni av virksemi skúlans
- við virkisfýsni er fúsur at taka á seg uppgávur í samstarvi við og eftir fyriskipan skúlastjórans
- dugir at samstarva og er fyrikomandi
- hevur góðan málførleika í skrift og talu, serliga á føroyskum
Harumframt skal varaskúlastjórin
- vera næsti arbeiðsfelagi skúlastjórans
- hava góð leiðslu- og samstarvsevni, umframt mennandi leiðslustíl, megna at hava yvirlit og dugir at skipa fyri
- saman við skúlastjóranum skapa virðing fyri skúlanum og umstøður hjá tí einstaka fyri samávirkan og samábyrgd
- vera við til at fremja gott samstarv millum skúla og heim og eggja næmingum og foreldrum
- hava vilja og evni at royna nýggjar leiðir, og er støðugt við til at áseta mál og virkisætlanir fyri skúla, sum búgva skúlan til framtíðar krøv
- undir fráveru skúlastjórans hava ábyrgdina av leiðslu skúlans
Førleikakrøv
Umsøkjari skal hava fólkaskúlalæraraútbúgving og starvsroyndir í fólkaskúlanum.
Lønar- og setanartreytir
Setanarøkið er undir Barna- og útbúgvingarmálaráðnum við tænastu í Fuglafjarðar skúla. Tann, ið sett/-ur verður, eigur at tola broytingar í starvinum.
Starvið verður lønt í lønarflokki 34.1 sambært avtalu millum Fíggjarmálaráðið og Føroyar Lærarafelag. Starvið verður sett frá 1. august 2023.
Umsóknir
Umsóknir við møguligum viðmælum, C.V. og avriti av prógvum skulu verða skúlastjóranum í hendi í seinasta lagi mánadagin 27. mars 2023 kl. 12.00
Fleiri upplysingar um starvið fært tú við at ringja til skúlastjóran tlf. 238061 ella við at senda teldupost til berlys.toftadal@skulin.fo