Hevur tú hug at arbeiða við at fyribyrgja happing?
Kundi tú hugsa tær at arbeitt miðvíst við motoriskari sansastimbran?
Vit sóknast eftir námsfrøðingum, ið vilja verða við í okkara menningararbeiði og sum ynskja at starvast í einum umhvørvi, har tú kanst verða við til at mynda og seta tín dám á okkara frálíka stovn við óteljandi møguleikum.
Stropin byrjaði sítt virksemi í september 2012 og er ætlaður 72 børnum í aldrinum 0-6 ár. Á stovninum eru fimm stovur: tvær vøggustovur, tvær barnagarðsstovur og ein miðlingastova. Á Stropanum starvast 20 dugnalig, eldhugað, nærløgd, fjølbroytt og stuttlig starvsfólk, ið gleða seg at fáa teg í starvsfólkahópin.
Dagstovnurin liggur í einum náttúruríkum umhvørvi, har ið náttúran náttúrliga setur sín dám á okkara gerandisdag. Vit hava framúr góðar umstøður bæði innan- og uttandura, har áhugamálini og trivnaðurin hjá børnunum, eru okkara fremstu endamál.
Á stovninum arbeiða vit við Betri vinir, ið er ein fyribyrgjandi verkætlan ímóti happing. Harafturat leggja vit stóran dent á motoriska sansastimbran og hava vit starvsfólk við viðkomandi útbúgvingum og royndum innan øki.
Vit sóknast eftir:
Námsfrøðingum, ið kunnu arbeiða sjálvstøðugir, eru ja-ligir, duga at samstarva, taka ábyrgd og duga at seta sær mál, eins og at skapa ein spennandi og fjølbroyttan gerandisdag, har barnið er í miðdeplinum.
Vit bjóða áhugaverd fulltíðarstørv ætlað námsfrøðingum, har møguleiki kann verða fyri niðursettari arbeiðstíð. Á stovninum verður tíð til fyrireiking raðfest høgt. Sostatt hava vit sera góðar umstøður til, at fyrireika, eftirmeta og útinna ta námsfrøðiliga arbeiði.
Harumframt sóknast vit eftir:
Avloysarum, ið kunnu starvast skiftandi vaktir og møta við stutttíðar fyrivarni. Lesandi eru eisini vælkomin at søkja.
Setanarviðurskifti:
Størvini vera sett mánadagin 8. august 2022 ella eftir nærri avtalu. Um ongir námsfrøðingar søkja, verða hjálparfólk sett í tíðaravmarkað starv. Námsfrøðingar sum fáa prógv í summar eru vælkomnir at søkja. Arbeiðstíðin er mánadag til fríggjadag millum kl. 07.15 – 17.00. Harafturat eru fundir eftir arbeiðstíð.
Løn og setanartreytir eru sambært sáttmála millum Føroya Pedagogfelag og Fíggjarmálaráðið og Kommunala Arbeiðsgevarafelagið. Lønarflokkur 2 - 8 fyri hjálparfólk og 11 – 23 fyri námsfrøðingar. Fyri at verða settur í starv, skal umsøkjarin hava reina barnaváttan.
Umsókn:
Skrivlig umsókn saman við prógvi, møguligum viðmæli/-um skal verða Fuglafjarðar kommunu í hendi í seinasta lagi: Mánadagin 6. juni 2022
Fuglafjarðar kommuna
Í støð 5
530 Fuglafjørður
Ella info@fuglafjordur.fo