Ynskir tú at fríðka um kommununa og vinna nakrar krónur?
Ert tú millum 14-16 ár, kanst tú gera smáar umvælingar, lúka, sópa gøtur, mála, rudda, gera gøtur og annað. Arbeiðið er skipað soleiðis, at tey ungu sleppa til arbeiðis tvær vikur í part. Hetta svarar til 80 tímar.
Aldursmark: Umsøkjarin má vera vorðin 14 ár, áðrenn 26. juni, men má ikki fylla 17 ár 21. juli.
Arbeitt verður átta tímar um dagin frá klokkan 8 til klokkan 16. Tey ungu verða sett eftir vanligum setanartreytum og lønt eftir sáttmálaavtalaðu tímalønini hjá Føroya Arbeiðarafelag.
Tað er ein treyt, at umsøkjarar skullu arbeiða tað tíðarskeið teimum verður tillutað, soleiðis at skilja, at tað ikki verður góðtikið, at umsøkjari verður burturstaddur, fer at ferðast el.l. í tíðarskeiðinum.
Tilmeldingin niðanfyri.
Seinasta freist er 1. juni 2017 kl. 24.00
Tíðarskeiðini er:
tíðarskeið 1. frá 26.06. til 07.07
tíðarskeið 2. frá 10.07 til 21.07
Fuglafjørður, tann 27. Apríl 2017
Fuglafjarðar kommuna
Tekniska deild