15.07.2021

Endurlýsing. Starvsfólk til dagstovnin Kambur á Kambsdali

Fuglafjarðar kommuna søkir eftir námsfrøðingum til dagstovnin Kamb á Kambsdali, ið hava hegnið og dirvið at seta dagsskránna fyri 6 ára gomul børn og frítíðarskúlabørn, at byrja 9. august 2021.

Um dagstovnin Kamb

Kambur er dagstovnur, ið er staðsettur í náttúruvøkrum umhvørvi á Børkugøtu 2 á Kambsdali, og veitir heildags tilboð til 6 ára gomul børn og er frítíðarskúli fyri 1. og 2. flokk aftaná skúlatíð. Á Kambi arbeiða 8 starvsfólk og tað er pláss fyri 60 børnum.

Talan er um 2 størv við einum vikuligum tímatali á 40. Nakrir av hesum tímum, sum verða skipaðir í samstarvi við leiðaran og starvsfólkabólkin, eru at rokna sum stuðulstímar til børn við serligum tørvi. Broytingar í vikuligum tímatali kunnu gerast í samráði við leiðaran.

Vit sóknast eftir starvsfólki:

  • Sum tekur undir við okkara virðisgrundarlagi.
  • Sum hevur umsorgan fyri tí einstaka barninum.
  • Sum er álítandi, tekur ábyrgd og dugir at seta sær mál.
  • Sum er jalig/ur og hevur hug og hegni at samstarva bæði við starvsfelagar, foreldur og børn.
  • Sum sær møguleikar, ið náttúran hevur at bjóða og sum hevur hug og hegni at brúka hesar møguleikar í arbeiðinum.
  • Sum dámar væl at luttaka í uttandura virksemi.

Vit leggja dent á, at starvsfólkið:

  • Virðir tað einstaka barnið.
  • Møtir barninum, har tað er.
  • Hevur hug og hegni at læra børnini gjøgnum spæl og at málmenna børnini.
  • Hevur hug og hegni at skapa karmar, har børn kunnu brúka teirra hugflog og skapandi evnir bæði innandura og uttandura, úti í náttúruni.
  • Hevur hug og hegni at skapa álit, trivnað og tryggleika bæði fyri børn og foreldur.
  • Kemur við nýhugsan og ígongdsetan.
  • Má tola møguligar broytingar i starvsinnihaldinum.

Vit kunnu bjóða tær:

Eitt spennandi starv, sum er í støðugari menning, har tú kanst vera við at mynda og seta tín dám á stovnin. Talan er um eitt starv við fjølbroyttum arbeiðsuppgávum og har tú kanst vísa tínar dygdir og samstundis menna teg sjálvan persónliga og fakliga. eru fjølbroyttar

Setanarviðurskifti

Løn sambært sáttmála millum Føroya Pedagogfelag og Fíggjarmálaráðið og Kommunala Arbeiðsgevarafelag Føroya (KAF)

Arbeiðstíðin er mánadag til fríggjadag í tíðsrúminum kl. 07:30 – 17:00.

Um eingin námsfrøðingur søkir, so verða hjálparfólk sett í tíðaravmarkað størv.

Meira fæst at vita um størvini:

Vilt tú vita meira um størvini og stovnin, kanst tú seta teg í samband við leiðaran á Kambi, Bjørghild Arnholdtsdóttir, telefon: 238092.

Umsókn:

Umsókn saman við prógvi, CV, revsiváttan og møguligum viðmæli/um, skal sendast til kommunuskrivstovuna, Í Støð 5, 530 Fuglafjørður, ella umvegis teldupost á info@fuglafjordur.fo Umsóknarfreistin er kl 12:00 mánadagin 2. august 2021

 

Endurlýsing sum PDF