Sambært grein 6 í løgtingslóg nr. 13. frá 21. mai 1954 við seinni broytingum, verður uppskot til broytingar av byggisamtykt fyri Fuglafjarðar kommunu løgd fram til alment eftirlit á kommunuskrivstovuni frá 19.11.2024 til og við 3.1.2025 allar gerandisdagar, frá kl 10 - 15.
Fuglafjarðar býráð samtykti á fundi 31. oktober 2024 uppskot um at broyta almennu byggisamtyktina fyri Fuglafjarðar kommunu fyri øki niðanfyri Mirmansveg, matr.nr. 565. Økið sum broytingin fevnir um verður broytt frá I: Frílendi til B: Sethús – Bústaðarøki við fylgjandi áseting.
- At byggjast kann upp til 4 búeindir á matrikkulin
- At atkoma til grundstykkið kann vera frá Mirmansvegi og Vesturrás
- At mønan ikki er hægri enn 5m frá veghæddini á Mirmansvegi
- Mest loyvda byggistig er 0,8
- Aðrar ásetingar viðvíkjandi bygging skulu vera í samsvar við almennu byggisamtyktina hjá Fuglafjarðar kommunu
Yvirlitskort
Galdandi byggisamtykt
Uppskot til broyting av byggisamtykt
Møgulig mótmæli ella broytingaruppskot skulu sendast Fuglafjarðar kommunu í seinasta lagi 3.1.2025 á info@fuglafjordur.fo. Viðmerkjast Journal mál nr. 24/00457.
Fuglafjørður 19.11.2024 - FUGLAFJARÐAR BÝRÁÐ