24.05.2016

Staðsetingin mitt í bygdini

Staðsetingin mitt í bygdini við høvuðsvegin, hevur eisini gjørt sítt til at skapt enn eina mentanarperlu í nærumhvørvinum.

Hetta hevur Petur Martin dugað at gagnnýtt á ymiskan hátt saman við teimum ymisku leiðarunum á bókasavninum, ikki minst núverandi leiðara Marjun Patursson.

Hugskotið hjá Petur Martin um runda borðið, ella “riddararnir við tað runda borðið”, hevur verið væleydnað øll árini. Petur Martin er vitugur og orðførur maður og hevur givið sítt íkast til tey hundratals evnini, ið hava verið uppi og vent, við runda borðið. Men ikki minni týdningarmikið er tað, at hann hevur sæð møguleikarnar í at lurta og lofta teimum góðu, serliga siðsøguligu forteljingunum, ið hava verið frambornar.