Á býráðsfundinum 25. Januar 2024 varð millum annað samtykt, at dagføra gjaldskránna fyri “Skipa-, vøru- og leigugjøld fyri Fuglafjarðar havn”.
Tillagingarnar í skránni eru í høvuðsheitum hesar:
- Før sum koma undir hugtakið “Bunkers Only” skulu framyvir gjalda fult havna- og brúgvagjald. Frammanundan skuldu hesi gjalda ¾ gjøld.
- Gjøld fyri legupláss til smábátar verða javnaði í mun til prístalið, fyrstu verð seinna hálvár í 2025.
- Vørugjøld skulu ikki rindast av vøru ið verða flutt millum virkir á havnaøkinum, um vøran frammanundan hevur verið umfatað av vørugjaldi.
- Vatngjaldið til virkir á havnalagnum hækkar úr 2.75 kr./tons til 3,00 kr./tons 1. Januar 2025.
- Avgreiðslugjald fyri spillolju og burturkast hækkar úr 350 kr. til 450 kr. Afturat tí skal gjaldast fyri m3 ella tons, sambært gjaldskránni hjá IRF.
Endurskoðaða gjaldsskráin kann takast niður her.